العفو عن ابراهيم عيسى........... متى العفو عن الشعب المصرى..؟؟؟!!!

السلا م عليكم

ازيكم ياجماعه

العفو عن ابراهيم عيسى........... متى العفو عن الشعب المصرى..؟؟؟!!! 483b4c47d4

العفو عن ابراهيم عيسى........... متى العفو عن الشعب المصرى..؟؟؟!!! 50442a4ea8

اللى تابع قضية ابراهيم عيسى وخصوصا فى لحظاتها الاخيره هيحس بجد اننا قدام فيلم مزعج
بطله الحقيقى النظام السلطوى والمستبد اللى بتعيشه مصر اما البطل المزيف واللى الجرايد القوميه كلها مجدت فيه هو الرئيس مبارك

فيلم بدات قصته لما اتحكم على الشعب المصرى انه يعيش وسط تلاته وتلاتين ماده فى قانون العقوبات بتجيز حبس الصحفيين فى قضايا النشر
وطبعا كلنا عارفين ان الريس كل فتره يطلع يقول لا مينفعش نحبس الصحفيين بس اهو كلام وخلاص زى اى كلام
اليومين اللى فاتوا وبعد ما اتحكم على ابراهيم عيسى بشهرين لتهمته فى قضية خبر وفاة الرئيس وتاثيره على الامن العام وعلى البورصه وعلى الدوله ككل
زى ما الجماعه بتوع الحزب الللاوطنى واللا ديمقراطى قالوا

طلع الرئيس فى اخر لحظه زى الافلام العربى وقال انا قررت العفو عن ابراهيم عيسى وبجرة قلم اصبح ابراهيم عيسى حر غير مطلوب امنيا

ابراهيم عيسى نفسه سال وقال انا تم العفو عنى امتى بقى هيتم العفو عن الشعب المصرى..

انتوا ايه رايكم

مين الكسبان فى القضيه دى وايه تفسيركم للعفو ده؟
انا شخصيا رايى واضح وهو انه زى كل مره لازم الريس يظهر فى اللحظه الاخير ه لزوم التلميع يعنى
وان لو كان ابراهيم عيسى نفذ الحكم فعلا كانت هتبقى اكبر ضربه للنظام كله
ولكن فى النهايه النظام اللى سمح بسجن هيكل
مش بعيد خاااااااالص يسمح بحبس عيسى

رايكم فى القضيه ياجماعه لو سمحتم

الريس حب يقوم بدور البوليس في الافلام المصري

هي حاجه كويسه ان الريس يصدر عفو عن ابراهيم عيسي

اصل الريس لقي المقطم وقع علي الشعب واتحرق مجلس الشوري والمسرح وناس بتخطف اجانب ويا عالم ايه اللي حصل تاني

الريس بص لبعد الشهرين دول لما ابراهيم عيسي بقي يطلع من السجن مع كل الحوادث دي ايه اللي ممكن يحصل

اكيد الناس هتعمل من ابراهيم عيسي بطل

والناس بقت علي اخرها ومستنيه البطل دا

يسلموووو حمدي باشا علي الخبر والموضووووووع

لالالالالالالالالالالالالالالالالا
هو مش ظهر في اللحظه الاخيرة ولا حاجه
هو في نيه وراء العفو ده اكيد له غرض منه هو مش هيصدر قرارت كده هباءا منثورا
وأيه يعنى لما حد يكتب الرئيس مريض أو فرحان أو زعلان
امال فين الديمقراطيه هو فخ واتنصب لعيسي
وربنا يستر
واكيد الكسبان الرئيس لانه بالقرار ده هيكسب عطف الشعب
لانه عفا عنه وبعدين ليه طالما في نية تسامح ليه عمل المشكلة دي اساسا Exclamation

شكرا ليك يا حمدي علي الموضوع وربنا يستر علينا من بابا حسني

والمثل بيقول اتقي شر بابا حسني (قصدي الحليم ) اذا غضب Wink

ياحمدى انت وهيثوم انتوا ظالمين الريس والله
الراجل دة دماغة كبيرة ومش سهل والمشكلة مش فية المشكلة ان نظام اللى تحتة سيى كلة حرامية وبالتالى محمد حسنى مبارك
كويس ولازم يتغير اللى تحتة لو عاوزين اصلاح والامل فى القادم ان شاء الله انة يحصل تغيير وطفرة ان شاء الله

على باين عليه لسه بيتفرج على القناة الاولى والتانيه
ياعلى انت نفسك كلامك بيقول حاجه واحده
لو الراجل ده دماغه كبيره وراجل ميه ميه زى مابتقول ومش قادر يحكم اللى تحته ولا اللى حواليه يبقى مينفعش يبقى رئيس لدوله لانه مخدوع ومضحوك عليه واحنا منقبلش رئيس مضحوك عليه Very Happy

والحقيقه ياحبيبى ياعلى ان السلطه المطلقه مفسده مطلقه
فكر بقى شوية فى الكلمه دى ولينا عودة

انا نسيت صحيح انك حامل لفيروس الحزب الوطنى
اقصد كارنيه الحزب الوطنى
Very Happy

ومالة الحزب الوطنى يالا طيب انا هبلغ عنك امن الدولة لانك انت عامل منتدى يبث افكار ثورية ضد النظام وضد مصلحة الدنيا العليا
حمدى انصحك النهاردة متباتش فى بيتكم
يعمل اية الريس ياخى انا من رايى اوك التغيير لكن مش لانة سى ولكن لان الريس كبر معدش يقدر يعمل حاجة تانى ولكن هو يشكر مشى بمصر فى وقت المنطقة كلها متفرمطة بالحروب عاوز واحد يقول نحارب امريكا والعرب يسيبوك وتحارب انت بقا قوة عظمى لوحدك ماهو لو فى يونيون واتحاد عربى ممكن نمسحها من على الخريطة ولكن للاسف العرب رعاع واندال ومحدش هيعبرنا واخر رئيس شجاع كنا نقدر نقول علية راجل الامريكان شنقوة زى ملوك المماليك اللى التتار شنقوهم
لازم يكون فى واقفة يصحبى قبل مانحدف نفسنا فى نار تاكلنا لواحدنا وتدمر مستقبلنا