هيثم على كرسى الاعتراف....!!!

حبيت كام مرة فى حياتك؟
ولا مره كان في مره حاجه لعب عيال كدا اعجاب ممكن


وهل انت فى حالة حب دلوقتى؟
لا


ولما بتحب بتبقى حالتك ازاى اوصفهالى بالتفصيل؟
لسه ماعرفش اما هحب هكون عامل ازاي بس بيتهيألي هبقي عادي يعني


عمرك حبيت من على النت؟
من علي النت لا


ولو حصل وحبيت من على النت هل من جواك كان حب صادق ونفسك تكمل معاه ولا مجرد تضيع وقت؟
انا عمري ما هحب تضييع وقت لا في النت ولا برا النت ولما هحب هاخد خطوه واتقدم واخطب واتجوز


ايه رائيك فى الحب من النت بصراحة شديدة؟
بصي الانسان اراؤه مجموعه من تجاربه
وانا لسه مجرب حب من النت عشان اقول فيه حاجه


لو بتحب حد قوى ممكن تقول اول حرف من اسمه؟
اقول لمين ماهو تفرق هقول لمين لوالدتي ولا لصاحبي ولا لمخبر شرطه


لو حصل سوء تفاهم بينك وبين حبيبتك هتتصرف ازاى ؟
هعمل زي ما بعمل لما بختلف ما ماما او بابا لما الموضوع بشتدد او باخد بعضي وانزل اتمشي شويه واقري الموضوع من جميع النواحي ولو انا غلطان هرجع اتأسف ولو مش غلطان بتمسك اكتر


ممكن تخلف وعدك مع حبيبك؟
طول ما انا في استطاعتي اني اوفي بيه عمري ما اخلفه


ممكن تلعب ببنت؟
استحاله ولا اخلي واحد صحبي كمان يلعب ببنت


لو فى حالة حب دلوقتى تقول لحبيبك ايه؟
بما اني مش في حاله حب احب اقولها مش عاوز اقابلك دلوقتي خليكي قدام شويه اما اقف علي رجلي


طب لو حبيبك زعلان منك او انت زعلان منه تقوله ايه؟
حسبي الله ونعم الوكيل :d


تقول لمين بحبك قوى ومش هقدر اعيش من غيرك؟
الحج ابويا


تقول لمين بعدك راحة؟
الي حد ما النت


تقول لمين فى غيابك عنى حالى اتبهدل؟
مافيش


تقول لمين عرفت قيمتك دلوقتى؟
مدرس الفيزيا ايام ثانوي


تقول لمين المركب اللى تودى؟
الثانويه


تقول لمين سامحنى؟
اخويا


تقول لمين ارجعلى؟
مابعيطش علي حاجه ضاعت مني


تقول لمين انا مش غلطان؟
للزمن





اسئلتلك اللى بتسالها دايما


شويه اسئله سهله اهي

يالا نبتدي
انتي ناقلاهم بالنص يا اسماء
ماشي اشوف فيكي يوم يا اسماء

ما هو تعرفك للمجنون؟؟
حد الناس ظلمته هوا عنده وجهه نظر احنا مش قادرين نفهمها

العاقل؟؟
حد هادي يطيل الصمت

المتكبر؟؟
حد ناقصه حاجات كتير اوي وبتباهي باللي عنده عشان يخلي الناس ماتتكلمش علي اللي مش عنده

المتواضع؟؟
حد عرف انه مش ناقصه حاجه


س2

هل انت راض عن نفسك ..؟؟
الي حد ما اه
الحمد لله

وما هي المجالات التي تتمنى ان تأخذها منهاجا في حياتك ؟؟
مافيش غير الهندسه الكهربيه اللي انا دخلتها ودا مجال واسع وكبير وان شاء الله اقدر اكون حاجه فيه




س3/ مارايك بالكلمات التاليه :::::
الحب
شئ جميل بس نفهمه صح

الرومانسيه
شئ رائع

الجمال
حاجه من عند ربنا

رقة المشاعر
الرجوله

العراق
الجاسوسيه والخيانه

فلسطين
العماله وحب الوطن

السعوديه
فيها 3 ميلون مصري هي بلدهم التانيه بعد مصر

الكشرى
حاجه عندي من التراث الكشري عندي يعني من ايام ما كنت في اعدادي وكنا نتحايل علي المدير عشان يطلعنا نشتري كشري ونجبله معايا
يعني اما كنت في ثانوي واوزغ من الحصص واول حاجه نعملها نضرب كشري عشان نعرف نكمل بقيت اليوم مصهللين
يعني حتي بعد ما كبرنا انا وصحابي وبطلنا ناكل مع بعض كشري بنروح المطعم نتقابل هناك صدفه

احمد عز
يادي السيره الهباب
حد ظلم الشعب المصري اوي


الزمالك ؟؟؟
نادي عظيم وصعبان عليا اشوفه كدا
لانه من غير الزمالك الاهلي مالوش طعم




)

اوصفلى الدنيا فى زماننا دى ايه
عامله زي الراجل اللي بيبيع العيش كل يوم في الكشك
كل يوم بيجيله عيش كتير بيديه للناس وهوا اخر واحد بياخد


نفسك تدى عينك لشخص معين علشان يشوف بيها شخص تانى معين انت شايفه حاجه تانيه خالص

نفسي ادي عيني للريس يشوف بيها الشعب عايش ازاي


لو جالك فرصه تسافر بره مصر وعليك انك تاخد عضوين معاك من المنتدى هتاخد مين
طبعا انا معاك اكييييييييييد
هعمل حاجه حلوه اوي انا هاخد اتنين علي حساب الشغل وبتاع عشره علي حسابي
لان كل واحد فيكو في ميزه جامده جدا اكيد هتفيدني والاهم من كدا ان هيكون في حد بيخاف عليا جمبي
وبعد كدا هاخد عليتنا كلها معايا :d
ولو معايا فلوس اخد البلد مايضرش :d

ايه رايك فى كلمه ملااااااااااك وبتفكرك بايه
والله اول ما بسمع الكلمه دي من اي حد بفتكرك

خلاصه عمرك هيثم استفاد ايه من الدنيا
استفدت من كل موضوع درس
استفدت ازاي اكون مسلم
ازاي اكون مصري
ازاي اكون هيثم
وهكذا

عندك كام صديق فى الحقيقى
ممممممممم كتييييييييييييييييير اوي بس الاصدقاء اللي بجد 6

وكام صديق على النت
كتير بردو بس الصداقه بجد 11

عندك كام ايميل ليك
واحد ياهو واتنين هوت ميل بفتح منهم واحد وواحد اسكاي بي فتحته مره واحده بس :d


كام واحد وواحده متسجلين فى ايميلاتك
كتيييييييييييييييييييييييييييير اوي وفي ناس علي الهوت ميل والياهو مع بعض عشان كدا مش هقدر اقول هما كام بالظبط

حد بجد بتحس معاه بالراحه سواء على النت او بره
كتييييييييير بجد منهم انتي

حقيبه اسرارك فين بتوديها
هتستغربي لو قولت ماعنديش اسرار
حاجات بسيطه يعني لو حد سألني عنها هقوله

مين اقرب شخصيه لهيثم فى المنتدى
حمدي باشا عادل باشا نصر باشا طبعا ميشو الزعيمه بيتي الاء سندريلا داليا ابن الاسلام كتير كتير عشان منساش حد


مين العضو اللى لما بيرد رد بتبقى حاسس انه رد شبهك بالظبط وتبقى عاوز تقوله بتقرا افكارى
ساعات انتي

تاريخ ميلادك امتى صحيح ؟؟؟؟؟؟؟؟؟؟؟؟

يوم 18 :d

انا تعبت منك يا زعيمه هجاوب بعدين بقي