مسلسل نور ..................

بصراحة يا نصر انا شفت المسلسل
وفهمت الى حدا ما بيدور حول ايه
بس عشان متبعتوش من الاول مش راضية اشوفوه
نفسى يتذاع من الاول عشان اتبعه
لان مفيش حد الايام دى مبيتكلمش عن المسلسل ده
وجانبه مسلسل كمان تقريبا اسمه سنوات الضياع والله يا نصر مش فاكرة اسمه ههههههههه
المهم اللى لحظته من المشاهد اللى بشوفها من مسلسل نور انه مسلسل كويس وانتاجه ضخم برضه
بس بجد مقدرش اتكلم عن حاجة مش متبعاها كويس
وياريت لو هيتذاع من بدايته مرة تانية وحد عرف يقولى بليز

معلش يانصر قلبتلك الموضوع ما يطلبه المستمعون
هههههههههههههههههههههههه
تسلم يانصر

بصراحه يا شباب انا متابعه المسلسل وعاجبني جدااااا
والحلقات اللي كانت فاتتني في الاول نزلتها وشفتها
لانه بجد مسلسل حلو اووووووي
اقولكوا ليه بقى او سر اعجابي
اولا المسلسل واقعي جدا
ثانيا عادتهم وتقاليدهم زينا بالظبط تقريبا
ثالثا العائلة اللي في المسلسل دول مسلمين
رابعا ودي اكتر حاجة عجباني ان في علاقة زوجية ناجحة واتنين بيحبوا بعض لابعد الحدود وده طبعا نادرا ما بنشوف اتنين متجوزين بيحبوا بعض سواء في الحقيقة او في التمثيل
الكل بيطلع الجواز في صورة السجن اللي احسن لك انك تفضل براه
وكمان مهند متجوز نور غصب عنه وتخيلوا دلوقتي هوا بيحبها ازاي
يعني برده بيوصل معنى ان مش لازم اتنين يبقوا بيحبوا بعض عشان يتجوزا وممكن الحب ييجي بعد الجواز
وفعلا ناس كتير بتشوف المسلسل عشان البطل مهند لكن انا عن نفسي بشوف المسلسل كمسلسل وانا اساسا بحب المسلسلات المدبلجة دي
وفعلا في مسلسل دايما اسمه بيتذكر جمب مسلسل نور اللي هوا سنوات الضياع
بس انا مش متابعاه مش عارفة ليه بس مش متبعاه

عموما المسلسل بيتعرض دلوقتي يا سندرلا على الليبية بس مش في اوله لكن سابق اللي على mbc ب60 حلقة تقريبا بييجي الساعه 5
ولو عاوزة مواعيده بالظبط كلها قوليلي

وشكرا اكيد يا زعيم على طرحك وصدقني مش الكل بيشوف المسلسل عشان مهند ونور واسفة على الاطاله

اولا شكرا لكل اللي حط ردود


انا فتحت الموضوع ده لأني كنت شايف ان المسلسل ده مجرد تضيع وقت ومعندهش رسالة يقدمها للمشاهدين يعيني من غير فايدة

أنا معكي انه ممكن يكون يعالج وضع معين ممكن يحصل في الواقع بس انا شايف ان القصة طويلة اوي يعني كان ممكن يعملوا الموضوع في 30 حلقة ويخلصوا علشان كده انا بفضل ان العائلة العربية تشوف مسلسلات عربي لأنها اكثر واقعية من المسلسل ده بكثيييييييييييير


شكرا على الردود

طيب ما هي المسلسلات العربي موجودة برده
والمسلسلات المدبلجة دي معروفة انها دايما بتكون طويلة
انا اعرف مسلسل قعد من شهر 5 لشهر 5 السنة اللي بعدها وبييجي كل يوم مش يوم في الاسبوع
يعني المسلسل مش جديد ان حلقاته طويلة كمان هو في احداث كتيرة اوي طبعا متنفعش تكون في 30 حلقة بس
وبالنسبة للواقعية انا شايفة ان نور مسلسل واقعي ويمكن اكثر واقعية من المسلسلات العربي اللي بنشوفها

في الاخر دي وجهات نظر وعلى حسب نية كل حد هو بيشوف المسلسل ده ليه

انا تبعته وبجد هايل كعمل على بعضه
مش عشان خاطر عيون الاخ مهند

انا متابعه المسلسل من زمان
انا موش هقدر اضيف حاجه بعد الي جنه قالته
عندك حق جنه

شكرا يا جميلة على تأييدك
فعلا اللي متابع المسلسل هيبقى فاهم اللي انا بقوله كويس اوي