الغيره .....لو مكانه هتعمل ايه

السلام عليكم ورحمة الله وبركاته

ازيكم يا احلى شباب وبنات يارب تكونوا كويسين

طبعا انا عارفه ان اكتر حاجه بضايق الازواج الغيره اللى بتكون زياده عن الازم يعنى مثلا كان جمبنا واحده
كانت بتغير على زوجها جامد جدا وكان عندهم اربع بنات وكان اول اما يخرج تمشى البنت الصغيره وراه يعنى نظام مرقبه وهى كمان مكنتش بتدخل من البلكونه ولو لقته بيكلم اى ست بتطلع تعملوا فضيحه فى الشارع
المهم ايه رايكم فى الغيره الزيده ؟
ولو مكان الراجل ده كنتم هتعملوا ايه؟
والبنات كمان يقولوا رايهم فى غيرة الراجل
مستنيه الاراء الجامد

السلام عليكم

اولا شكرا على طرح الموضوع المهم
انا شايف ان الغيرة لازم تكون بس بحدود معينة لأن الغيرة في الاصل تعبر عن مدى الحب بس لو زادت عن حدها ممكن تصبح تعبر عن عدم الثقة في النفس او في الطرف الاخر

الست اللي انتي بتقولي عليها مثلا دي يا هي معندهاش ثقة في زوجها او هي مش بتثق في نفسها وشايفة كل الستات أفضل منها وبالتالي ممكن اي ست في أي وقت تاخد منها زوجها

اسف على الاطاله

وشكرا على الموضوع

الله والله كلامك صح بس على فكره انا عن نفسى حساها مش وثقه فى نفسها لان الراجل عادى بتكلم بحسن نيه
بس اكيد العيب فيها
شكرا يا نصر على الرد الجامد

موضوعك جميل يا دعاء

انا شايفه ان الغيرة جميله اوى ودليل على الحب بس لازم تكون بنسبه معينه علشان لو زادت ممكن تؤدى للجنون

بس وجودها مهم اوى بالمعققول

وبالنسبه للست اللى بتحكى عليها هى بجد غلط هى مش وثقه فى نفسها خالص وكمان غلط انها تراقبه وكمان عن طريق بنتها غلط بجد

شكرا يا دعاء ياقمر على الموضوع الجميل ده

شكرا ليكى يا منونه على الرد الجميل جدا
وانا معاكى بس انا شايفه انها معندهاش ثقه فى نفسها والمروض هو يساعدها فى انه يبين ليها انها احلى واحده الدنيا
وده مش حرام
بجد تسلمى على الرد الجميل

شكرا يادودو

الغيره شي حلو اوي بس لازم بحدودو ولازم يكون في ثقه بين الازواج عشان الحياه تستمر

اما الست الي انتي بتقولي عليها هيه غلطانه غلط كبير اوي لو كانت فكره ان هيه كده بتحافظ علي جوزاها كده هيه بتخرب بيتها باديها و ربنا يهديها

موضوع حلو اوى و كويس ان انتى طرحتيه
طبعا الغيره بتدل على الحب
بس الزياده عن اللزوم سوف تؤدى الى
****دماااااااااااااااااااااار***
شامل كامل هى الست دى لو كانت واثقه فى جوزها
ماكنتش عملت كده
و شكرااااااااااا موووووووووت على التوبيك الرااااائع

شكرا يا بوسى انتى وفروحه
ونورتم التوبيك بالاراء الجميله

هيا الغيرة شى عادى ومعروف بين النساء بس لية اسبابة
وطبعا كتيرة واهمها عدم ثقة البنت فى نفسها وعدم ثقتها فى زوجها
بالاضافة الى انها صفة يعنى اوقات البنت مالهاش ذنب فيها لانها بتبقى متاصلة وليست مكتسبة
لكن عموما هيا ش\مش عيب الا لو زادت عن الحد

وشكرا على الموضوع الجميل البناء دة

sir ali vanperse

king of kings

شكرا على رايك الجميل
نورت يا التوبيك