يامهيساتى..... غيرلى حياتى

يامهيساتى..... غيرلى حياتى

أهلا بك يا زائر فى بيتك التااااانى
 
الرئيسيةالبوابةمكتبة الصورالتسجيلدخول
السلام عليكم جميعا

شاطر | 
 

 هو والله انا مش فاهم حاجة بس لقيتة الموضوع عجبنى وقلت اساعد بية البنات الغلابة ....[[R]]

اذهب الى الأسفل 
كاتب الموضوعرسالة
vanperse
IAM THE [R] RATED SUPER SUPER STAR
IAM THE [R] RATED SUPER SUPER STAR
avatar

عدد الرسائل : 627
العمر : 32

قوة نشاطك :
0 / 1000 / 100

الاوسمه :
مزاجك :
نقاط : 7
تاريخ التسجيل : 20/07/2008

مُساهمةموضوع: هو والله انا مش فاهم حاجة بس لقيتة الموضوع عجبنى وقلت اساعد بية البنات الغلابة ....[[R]]   الأحد 05 أكتوبر 2008, 10:13 am

طبعا فيه ناس كتير قوي بتقول على "عيد الفطر" إنه "عيد السمك" علشان بيكونوا زهقوا طول رمضان من أكل كل أصناف اللحوم والفراخ والبط والحمام وغيرها من الأكلات الدسمة اللي بتميز السفرة في رمضان...
وعلشان احنا دايما معاكوا في كل الأوقات

فكرنا النهارده نجيب لكم
شوية أفكار جديدة غير تقليدية
لعمل أشهى أطباق الأسماك في البيت خلال العيد..
تعالوا نشوف مع بعض


صينية السمك بالبشاميل


ما تستغربيش كده من العنوان ما زي ما فيه مسقعة بالبشاميل وكوسة بالبشاميل فيه كمان سمك بالبشاميل وعلى فكرة الصينية دي طعمها حلو جدا وخفيف جدا جدا على المعدة..
المقادير:-
• كيلو سمك فيليه.
• عصير خمس ليمونات.
• 1/4 كوب زيت عباد الشمس.
• 3 معالق كبيرة زبدة.
• كوب دقيق.
• 1/2 1 كوب لبن.
• معلقة كبيرة كمون.
• 1/4 كوب عين جمل مفروم "اختياري".
• 1/2 كوب لوز "اختياري".
• ملح وفلفل.
• بهارات سمك.
• 5 فصوص ثوم.
• قرن فلفل أحمر مقطع قطعا صغيرة.
• حزمة شبت مقطعة قطعا صغيرة.
الطريقة:-
1. هاتِ فصوص الثوم وقرن فلفل أحمر وقطعيه قطعا صغيرة وحطيهم في الهون ومعاهم الملح والكمون والبهارات واطحنيهم كويس مع بعض.. بعد كده ضيفي إليهم الليمون وقلبيهم مع بعض.
2. هاتِ السمك واغسليه كويس وبعد كده رشي عليه الخلطة السابقة اللي إنتِ عملتيها وضيفي إليه حزمة الشبت وسيبيه لمدة نص ساعة علشان يتبّل كويس.
3. أثناء ما السمك بيتبّل اسلقي اللوز لمدة 10 دقائق وبعد كده قشريه وقطعي كل لوزة إلى 4 قطع بالطول وبعد كده حمصيه في الفرن أو حمريه في الزيت.
4. بعد كده ابدئي في عمل البشاميل عن طريق إنك تحمري الدقيق في الزبدة لغاية لونه ما يبقى ذهبي وبعد كده ضيفي إليه اللبن بالتدريج مع التقليب المستمر علشان الدقيق ما يكلكعش منك... سيبيه على النار لمدة خمس دقائق أو لغاية ما تلاقي إن الخليط بقى أملس.
5. اخلطي اللوز وعين الجمل والبشاميل مع بعض كويس.
6. هات صينية الفرن وادهنيها بالزيت ورصي فيها شرائح السمك الفيليه وبعد كده ضيفي إليها البشاميل بس خدي بالك إنك تساوي البشاميل في الصينية.
7. شغلي البوتاجاز على درجة حرارة متوسطة ودخلي الصينية وسيبيها لمدة ساعة أو لغاية ما وش الصينية يبقى ذهبي خرجيها واستني عليها شوية لمدة ربع ساعة وبعد كده قطعيها بالسكينة...ممكن مع الطبق ده تعملي طبق سلطة خضراء...وبألف هنا وشفا..
طبق كباب المأكولات البحرية


ده طبق مفيد جدا للناس اللي طالعة من رمضان وزنها زايد شوية...
المقادير:-
• ربع كيلو جمبري متوسط الحجم.
• ربع كيلو سمك فيليه مقطع مكعبات متوسطة الحجم.
• ربع كيلو كاليماري "سبيط" مقطع مكعبات متوسطة الحجم.
• 1 حبة بصل مقطعة قطعا صغيرة.
• ربع حزمة بقدونس مقطع قطعا صغيرة.
• ربع رأس ثوم مفروم.
• ملعقة كبيرة كمون.
• ملعقة كبيرة بهارات سمك.
• 1 حبة فلفل أخضر,مقطع قطعا صغيرة.
• عصير 4 ليمونات.
• 1/2 كوب زيت ذرة.
• ملح وفلفل.
الطريقة :-
1. اخلطي الثوم والبصل والفلفل الأخضر والبقدونس مع بعض وبعد كده ضيفي إليهم الملح والفلفل والكمون وبهارات السمك وعصير الليمون والزيت وقلبيهم مع بعض.
2. اغسلي الجمبري والكاليماري والسمك كويس وبعد كده ضيفي إليهم الخليط السابق وقلبيهم مع بعض وسيبيهم مع بعض لمدة 3 ساعات علشان الجمبري والكاليماري والسمك يتبلوا كويس.
3. بعد مرور الثلاث ساعات هاتِ أسياخ خشبية أو معدنية وابدئي في رص الجمبري والسمك والكاليماري فيها بحيث يكون كالتالي "قطعة جمبري قطعة كاليماري قطعة سمك وهكذا لغاية ما السيخ يكمل تعملي اللي بعده، وعلى فكرة ممكن تحطي بين كل قطعة والتانية طماطم أو شرائح فلفل أخضر أو بصل.
4. رصي الأسياخ دي في صينية ودخليهم الفرن أو حطيهم على الشواية الفحم أو الكهرباء ورشي فوقهم باقي التتبيلة اللي أنت عملتيها وخدي بالك إنك تقلبي الأسياخ من وقت لآخر علشان يستووا من جميع الجوانب...ممكن مع الطبق ده تعملي طبق رز أبيض أو طبق بطاطس وطبق سلطة طحينة....وبألف هنا وشفا..
صينية الكاليماري في الفرن


لو جربتي تعملي صينية الكاليماري مرة مش هتنسيها تاني وهتعمليها على طول..
المقادير:-
• كيلو كاليماري "سبيط", مقطع قطعا متوسطة الحجم.
• 3بصلات مقطعة إلى أنصاف شرائح.
• 3 حبات فلفل أخضر, مقطعة قطعا متوسطة الحجم.
• 4 حبات طماطم,متوسطة مقطعة مكعبات صغيرة.
• حبة فلفل أخضر, حار مقطع قطعا صغيرة.
• حزمة بقدونس مقطعة قطعا صغيرة.
• 1/2 ملعقة صغيرة شطة مطحونة, "اختياري".
• ملعقة كبيرة زيت زيتون.
• ملعقة صغيرة بهارات سمك.
• ملح وفلفل.
• خمس فصوص ثوم مفروم.
• عصير 3 ليمونات.
• 1/2 كوب صلصة طماطم

الطريقة:-
1. هاتِ الكاليماري واغسليه كويس وحطيه في طبق كبير وضيفي إليه الطماطم وصلصة الطماطم والبصل والفلفل الأخضر والفلفل الحار والثوم....وضيفي إليهم البقدونس والزيت وتوابل السمك والشطة والملح والفلفل وعصير الليمون وقلبيهم كلهم مع بعض كويس...سيبيهم مع بعض لمدة 3 ساعات علشان الكاليماري يتبل كويس.
2. بعد مرور الثلاث ساعات هاتِ صينية ورصي فيها الكاليماري والخليط اللي معاه وغطي الصينية بورق الألمونيوم ودخليها الفرن على درجة حرارة متوسطة لمدة نص ساعة وبعد كده خرجيها وشيلي من عليها ورق الألمونيوم ودخليها تاني لمدة ربع ساعة علشان الصينية وشها يحمر وبعد كده خرجيها، ممكن مع الطبق ده تعملي طبق رز أبيض وطبق سلطة خضراء.... وبألف هنا وشفا..
صينية السمك المحشي في الفرن



دي برضه أكلة تانية لما هتعمليها هتاكلي صوابعك وراها
المقادير:-
• كيلو سمك "أي نوع بتحبيه".
• نص حزمة شبت مقطعة قطعا صغيرة.
• نص حزمة كزبرة مقطعة قطعا صغيرة.
• نص حزمة بقدونس مقطعة قطعا صغيرة.
• 3 حبات طماطم مقطعة قطعا صغيرة.
• 1حبة فلفل أخضر مقطعة قطعا صغيرة.
• 1 حبة فلفل أحمر حار مقطعة قطعا صغيرة.
• بصلة مقطعة قطعا صغيرة.
• نص رأس ثوم مفروم.
• عصير 3 ليمونات.
• معلقة كمون.
• بهارات سمك.
• ملح وفلفل.
• ربع كوب زيت ذرة.
• 3 ليمونات مقطعة شرائح.
الطريقة:-
1. هاتِ السمك واغسليه كويس.
2. اخلطي كل المقادير الباقية اللي عندك مع بعضها وقلبيهم مع بعض كويس وبعد كده احشي بيهم قلب السمك... سيبي السمك مع الخليط ده لمدة 3 ساعات علشان السمك يتبل كويس.
3. بعد مرور 3 ساعات هات صينية فرن ورصي فيها السمك وغطي الصينية بورق الألمونيوم ودخليها الفرن على درجة حرارة متوسطة لمدة نص ساعة.
4. بعد مرور النص ساعة خرجيها من الفرن وشيلي من عليها ورق الألمونيوم ودخليها تاني لمدة ربع ساعة علشان السمك يحمر وبعد كده خرجيها، ممكن مع الطبق ده تعملي طبق رز أبيض وطبق سلطة جرجير... وبألف هنا وشفا..
طبق جمبري بانيه


ناس كتير بتروح في العيد محلات التيك أواي علشان تاكل الطبق ده بالذات!!! فإيه رأيك لما تعملي الطبق ده بنفسك في البيت ومتخافيش مش هيكلفك حاجة بالعكس هيكون أرخص من أكله بره بكتير ...
المقادير:-
• كيلو جمبري متوسط الحجم مقشر.
• 2 بيضة.
• كوب بقسماط.
• كوب دقيق.
• 5 فصوص ثوم مفروم.
• كوب عصير ليمون.
• زيت للتحمير.
• ملح وفلفل.
• كمون.
• قرن فلفل أحمر.
• بهارات سمك.
• أوارق بقدونس "للتزيين".
الطريقة :-
1. هاتِ فصوص الثوم وقرن فلفل أحمر مقطع قطعا صغيرة وحطيهم في الهون ومعاهم الملح والكمون والبهارات واطحنيهم كويس مع بعض.. بعد كده ضيفي إليهم الليمون وقلبيهم مع بعض.
2. هاتِ الجمبري واغسليه كويس وبعد كده اخليطه بالخليط السابق وقلبيه كويس وسيبيه لمدة ربع ساعة علشان يتبل.
3. بعد مرور الربع ساعة اخفقي البيض بشوية ملح وفلفل وضيفي إليه الجمبري وبعد كده اخلطي البقسماط والدقيق مع بعض كويس وابدئي في تغليف الجمبري بخليط البقسماط والدقيق.
4. سخني الزيت كويس وبعد كده حمري فيه الجمبري لغاية ما لونه يبقى ذهبي...ممكن مع الطبق ده تعملي طبق سلطة طحينة وطبق بطاطس محمرة وتزيني الطبق بأوراق البقدونس...وبألف هنا وشفا..
وبكده تقدري تشكلي وتعملي أكلات جديدة لأسرتك في العيد أو تعمليها لما يكون عندك عزومة في العيد...


اى خدمة لكل بنات المنتدى اتعلموا الطبخ بقا بس متطبخوش لانى اول مرة اسمع عن سمك بالبشاميل بصراحة

_________________
وكانى انست يومى زائلا ..........فرايت فى المراة كيف مسائى
كنت اسطورة ايها الملك ولا اعتقد برجوعك يا على
مهما حدث مهما وقفت وحيدا ضعيفا ومهما تخلى الكل عنك ستظل ياعلى ملك الملوك وستظل ملك كل العصور وهكذا تكون تحية الملوك





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dodo
مشرفة الحوارات الهادفه ونصيرة حزب الشباب
avatar

عدد الرسائل : 1689
العمر : 28
قوة نشاطك :
0 / 1000 / 100

مزاجك :
نقاط : 1
تاريخ التسجيل : 23/05/2008

مُساهمةموضوع: رد: هو والله انا مش فاهم حاجة بس لقيتة الموضوع عجبنى وقلت اساعد بية البنات الغلابة ....[[R]]   الإثنين 06 أكتوبر 2008, 1:16 am

هههههههههههههههههه
شكرا جدااااااا يا على تسلم ايدك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
vanperse
IAM THE [R] RATED SUPER SUPER STAR
IAM THE [R] RATED SUPER SUPER STAR
avatar

عدد الرسائل : 627
العمر : 32

قوة نشاطك :
0 / 1000 / 100

الاوسمه :
مزاجك :
نقاط : 7
تاريخ التسجيل : 20/07/2008

مُساهمةموضوع: رد: هو والله انا مش فاهم حاجة بس لقيتة الموضوع عجبنى وقلت اساعد بية البنات الغلابة ....[[R]]   الإثنين 06 أكتوبر 2008, 8:31 am

العفو يادودو بس محدش يطبخ الكلام دة لانة اساسا متهيالى مش يناسب اسرتنا المصرية اللى ليها طقوسها الجميلة فى الاكل

_________________
وكانى انست يومى زائلا ..........فرايت فى المراة كيف مسائى
كنت اسطورة ايها الملك ولا اعتقد برجوعك يا على
مهما حدث مهما وقفت وحيدا ضعيفا ومهما تخلى الكل عنك ستظل ياعلى ملك الملوك وستظل ملك كل العصور وهكذا تكون تحية الملوك





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هو والله انا مش فاهم حاجة بس لقيتة الموضوع عجبنى وقلت اساعد بية البنات الغلابة ....[[R]]
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
يامهيساتى..... غيرلى حياتى :: المنتديات العامه :: القسم العام-
انتقل الى: