يامهيساتى..... غيرلى حياتى

يامهيساتى..... غيرلى حياتى

أهلا بك يا زائر فى بيتك التااااانى
 
الرئيسيةالبوابةمكتبة الصورالتسجيلدخول
السلام عليكم جميعا

شاطر | 
 

 صباحك زى وشك يامصر

اذهب الى الأسفل 
كاتب الموضوعرسالة
kenzy_love
مشرفة بنت مقطقطه
avatar

عدد الرسائل : 1386
العمر : 25
قوة نشاطك :
0 / 1000 / 100

مزاجك :
نقاط : 0
تاريخ التسجيل : 18/06/2008

مُساهمةموضوع: صباحك زى وشك يامصر   الإثنين 21 يوليو 2008, 4:11 am

صباحك زي وشك يا مصر..جميل وحزين







صباح الخير يا مصر




صباح الخير على الناس المرهقين من عناء الحياة والدايرين في الساقية اللي منصوبة لهم من سبع الاف سنة .. الناس اللي عايشة اليوم بيومه .
.كل أملها يعدي من غير اي خساير .. مابتفكرش في بكره عشان ماتتقهرش مابتفكرش في النهارده علشان ماتتنقطش
صباح الخير على ضحكة عالية في قهوة شايها مايتشربش
على شاب بيقوم لست كبيرة في الاتوبيس على كوباية شاي باللبن وحتة بقسماط بعد صلاة الفجر جنب السيدة نفيسة
على قهوة في الحسين مبيعديش عليها حسن بشندي على سينما زحمة والضحك طالع من القلب للركب .. على سور الأزبكية وكتبه المعتقة
على عشاق فقرا مش لاقيين شقة فبيخطفوا الفرحة متداريين في صخور الكورنيش ورا شجر النيل
على صوت الشيخ السيد متولي وهو بيقرا سورة يوسف وبيخلينا نعيط على سيدنا يعقوب اللي ابيضت عيناه من الحزن







على عربيات الكبده والسجق لحمة الفقير وعربيات الدوم تفاح الفقير وعربيات السوبيا خمرة الفقير.. على طباق الكشري خالي العدس ورد زياده وغرقان في الدقة .
. على فطاطري الحسين اللي سمى نفسه بيتزا الحسين فباظ من ساعتها على العدوي بتاع ميدان الجيش يعني احلى رصة فول وطعمية بمستلزماتها وبرخص التراب
على أفران العيش في اسكندرية .. على البلكونات اللي مافيهاش كراكيب ولا بصل ولا توم فيها كرسيين وكوبايتين شاي وبصة رضا واهة شوق
على كل صالة بتلم الناس اللي مش عارفة تتلم على نفسها على كل نكته قبيحة تتقال بصوت عالي .
. صباح الخير على الطاهرة رئيسة الديوان ودراويشها وسجاد جامعها .



. على روح سيدنا الحسين اللي مش مدفون هنا اساسا
صباح الخير على كل سطر كتبه نجيب محفوظ وكل شجرة سقاها علاء الديب وكل فيلم كان هيعمله احمد زكي وكل كرسي ماتضايقش لما صلاح جاهين قعد عليه
صباح الخير على الناس اللي واقفة في طابور حكومة رخم بتتخانق عشان تسلي بعضها على مدرجات الدرجه التالتة وناسها اللي مش هنا اساسا
على الاهلي لما يسكع الزمالك ستة وساعات اربعة وساعات اتنين صباح الخير على كل ايدين بتسلم عليك باهتمام بعد الصلاة
وعلى كل امام ما بيطولش في الوقوف ويطول في السجود




صباح الخير على سينمات الدرجه التالتة والفاكهة اللي مش مرشوشة مبيدات وسعاد حسني وهي بتغني انا ضاع مني حاجه كبيرة اكبر من اني اجيب لها سيرة
صباح الخير بالليل على فرشات جرايد الطبعة الاولى وحفلات الميدنايت والقهاوي المناوبة
على العيال وهي بتهز اكياس الكشري الصبح وهي رايحة المدرسة
. على بتوع الزلابية اللي واقفين قدام المدارس خايفين من البلدية
صباح الخير على اكشاك السمك في ابو قير والترام الاصفر وسيدي البوصيري وبردته والمراجيح اللي ورا ضريحه
وعم نفنف بتاع الكبدة في المنشية وطعمية ابو احمد الاكتع في شارع عمر بن الخطاب
صباح الخير على وقفة النواصي والقمم والخناقات " البوق " اللي الناس بتفش فيها غلها وبتوفر مادة فرجه للواقفات في البلكونات






. صباح الخير على كل جميلة تغري باثم النظرة الثانية والتاسعة .. صباح الخير على الناس اللي بتكوي قمصانها وتبص على المراية قبل ماتنزل
على شوارع الزمالك وجاردن سيتي والمعادي اللي تشرف وتفتح النفس للحياة
وعلى كل اللي بيمشوا فيها وبيفرحوا للي ساكنين فيها
صباح الخير على حب الجامعة ومظاهرات الجامعة وكل افيه اتقال على اي معيد غتت في اي سكشن
صباح الخير على الاوض اللي فوق السطوح والشقق المفروشة والايجار اللي مابيتكسرش
على صينية الاكل اللي بتيجي لك من الجيران قبل ما يتفقوا معاك تدي ابنهم درس
على قران الفجر وصوت النقشبندي وهو بيقول مولاي اني ببابك قد بسطت يدي
صباح الخير على الجمعيات اللي ساتره الشعب المصري .. على تمييلة الصاحب على صاحبه في ساعة الزنقة





صباح الخير على ام حمدي عبد الرحيم اللي بتحب جمال عبد الناصر وام ايمن عبد الهادي اللي بتعمل رز مسكر وملوخية تضيع مستقبلك ,
وام على رجب اللي ماشفتش البحر الا في عربية الاسعاف اللي خدتها على المستشفى ...صباح الخير على كل نجع وكفر مايكفرش من العيشة
صباح الخير على الكنايس اللي شكلها حلو ,, على الاتوبيس النهري لما يكون نضيف.. على عم فاروق ونصبة الشاي بتاعة كوبري عباس
على كل زوجه مابتنكدش على جوزها , وكل راجل مابيستقواش على ولية وعلى كل ندهة لبابا وكل لعبة لبنوته ومسدس ميه لحماده
. صباح الخير على كراتين الجهاز المتعانة فوق الدواليب .. واحلام الجواز المتحاشة تحت البطاطين

صباح الخير على عامود السواري والفاتحة اللي بقراها وانا ببص من تحته على تربة ستي اللي قالتلي
وانا رايح الجامعة اول مرة " يابني البلد بلدهم يعملوا فيها ما بدالهم !"
صباح الخير على لمة صحابي في القهوة وشتايمهم فيها علشان بطلت اجي ..
صباح الخير على دعوة ربنا يكفيك شر طريقك ..


صباح الخير على عبد الناصر قبل مايبقى فرعون
وعلى الشعراوي وهو بيقول اذا كنت قدرنا فليعنا الله عليك , وعلى عبد الحليم وهو بيعيد كوبليه حبيبي والله لسه حبيبي والله ,



وعلى أم كلثوم وهي بتقول تهون عليا الروح لو فارقت جنبي , وعلى محمد فوزي وهو بيقول اي حاجه يعوزها ..
صباح الخير على مرجلة ابراهيم عيسى الذي اخرجني من الظلمات الى النور.



. على مسلسل ارابيسك وفيلم حب في الزنزانة وفينالة الكيت كات ونجيب الريحاني وهو بيغني
حتى الفيران اشتكت من قلة فرافيتي ... !



على عم حجازي اللي سابهالنا مخضرة وراح طنطا .. على محمود عوض اللي قاعد في البيت ....
على بهاء طاهر اللي بيصلب طوله علشان يروح المظاهرة ...
على فاروق عبد القادر وصحبته ..
على حمدي عبد الرحيم واكرم القصاص وقهوة المنظر الجميل
والايام اللي كنا مش لاقيين ناكل فيها بس كان عندنا شاي وسكر كتير

صباح الخير ع الكاميرا الخفية والناس اللى بتضحك من همها ومش مستحية
صباح الخير ع الحج اللى بقى ب 45 الف جنية قرعة وجمعيات وب 120 الف جنية سياحى
صباح الخير ع الشباب المورد اللى مرمى ع القهاوى ومستنى وظيفة احلامة
صباح الخير ع الكوسة اللى ف البلد اللى بقت اكتر من الهم ع القلب
ع الحوافز والمرتبات اللى زادة 30 ف المية وباياخدوهم 50 ف المية
صباح الخير ع وزير التربية والتعليم اللى ممعهوش فلوس يعلم وعايز يشغل الجامعات الخاصة
صباح الخير ع الفتنة اللى بينا وبين المسحيين وكلة بيلطش ف بعضة
وللحساب مش عاملين
ع ليالى رمضان ف الحسين وصلاة العيد ف الاستاد
صباح الخير على كل مصرى اتغرب وطفش من بلدة عشان يغسل صحون بلاد الجيران
صباح الخير ع الليسانس والبكالريوس والشهادة اللى تبلها وتشرب ميتها
صباح الخير ع الوزارة اللى من غير وزير والبلد اللى من غير حاكم والبيت اللى من غير راجل
صباح الخير على حديث الرسول
من غشنا فليس منا
صباح الخير ع الفتاوى اللى نازلة علينا زى المطر
القبلة والحضن من الصغائر
شعر المراة مش عورة وخلع الحجاب بلاش تخلف
صباح الخير ع مصر واللى فيها
صباح الخير ع الفساد اللى ماليها

_________________

كل سنه وانتم طيبين رمضان كريم علينا كلنا
اللهم بلغنا رمضان وتقبل منا صالح الاعمال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
funytota
مشرفة حب * حب وقسم الصوتيات
avatar

عدد الرسائل : 324
العمر : 26
المزاج : ميه ميه يا بااااشا
قوة نشاطك :
0 / 1000 / 100

مزاجك :
نقاط : 0
تاريخ التسجيل : 30/06/2008

مُساهمةموضوع: رد: صباحك زى وشك يامصر   الإثنين 21 يوليو 2008, 12:32 pm

ههههههههههههههههههههههههههههههههههههههههه
صباح الفل يا باشا
توبيك رااااااائع

_________________
((عضوة بنادى للبنات فقط))





لو عايزين اى صور فنانين او تلاقوا اى صور هناااااااا و بس
http://shela.hooxs.com/montada-f21/topic-t488.htm

لو عايزين تعرفوا ازاى تنزلوا صور فى الموضوع هناااا و بس
http://shela.hooxs.com/montada-f21/topic-t492.htm

يا جماعه عرض جااااااااااااااامد
http://shela.hooxs.com/montada-f25/topic-t474.htm
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ilayki.lifeme.com
kenzy_love
مشرفة بنت مقطقطه
avatar

عدد الرسائل : 1386
العمر : 25
قوة نشاطك :
0 / 1000 / 100

مزاجك :
نقاط : 0
تاريخ التسجيل : 18/06/2008

مُساهمةموضوع: رد: صباحك زى وشك يامصر   الإثنين 21 يوليو 2008, 5:53 pm

هههههههههههههههههه
صباح الورد
مرسى على مرورك يا قمر
نورتى التوبيك

_________________

كل سنه وانتم طيبين رمضان كريم علينا كلنا
اللهم بلغنا رمضان وتقبل منا صالح الاعمال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ahmed Capo
مهيساتى مشارك


عدد الرسائل : 105
العمر : 29
قوة نشاطك :
0 / 1000 / 100

نقاط : 0
تاريخ التسجيل : 01/07/2008

مُساهمةموضوع: رد: صباحك زى وشك يامصر   الإثنين 21 يوليو 2008, 10:08 pm

صبح صبح با عم الحج
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
kenzy_love
مشرفة بنت مقطقطه
avatar

عدد الرسائل : 1386
العمر : 25
قوة نشاطك :
0 / 1000 / 100

مزاجك :
نقاط : 0
تاريخ التسجيل : 18/06/2008

مُساهمةموضوع: رد: صباحك زى وشك يامصر   الثلاثاء 29 يوليو 2008, 11:20 pm

هههههههههههههههههههههههههههههههه
اهلا بوحه هنا منور التوبيك يا بشا

_________________

كل سنه وانتم طيبين رمضان كريم علينا كلنا
اللهم بلغنا رمضان وتقبل منا صالح الاعمال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bosy cat
مهيساتى عايش بالطول والعرض
avatar

عدد الرسائل : 831
العمر : 27
قوة نشاطك :
0 / 1000 / 100

مزاجك :
نقاط : 0
تاريخ التسجيل : 26/05/2008

مُساهمةموضوع: رد: صباحك زى وشك يامصر   الخميس 31 يوليو 2008, 12:52 am

هههههههههههههههههههههههههههههههههههههههههههههههههههه
صباح القشطه ياقمر
توبيك حلو موووت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
kenzy_love
مشرفة بنت مقطقطه
avatar

عدد الرسائل : 1386
العمر : 25
قوة نشاطك :
0 / 1000 / 100

مزاجك :
نقاط : 0
تاريخ التسجيل : 18/06/2008

مُساهمةموضوع: رد: صباحك زى وشك يامصر   الخميس 31 يوليو 2008, 6:06 pm

مرسى ع مرورك يا قمر
نورتى التوبيك
واكيد الاحلى هو مرورك

_________________

كل سنه وانتم طيبين رمضان كريم علينا كلنا
اللهم بلغنا رمضان وتقبل منا صالح الاعمال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
صباحك زى وشك يامصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
يامهيساتى..... غيرلى حياتى :: المنتديات العامه :: القسم العام-
انتقل الى: